عمران خان کے پسندیدہ ڈرامے’’ارطغرل غازی‘‘کی اردو میں پہلی قسط نے ہی دھوم مچا دی

سوشل میڈیا‎‎

اسلام آباد (این این آئی) وزیراعظم پاکستان کی ہدایت پر پاکستان ٹیلی ویژن نیٹ ورک (پی ٹی وی) ہوم پر گزشتہ روز مشہور ترین ترک تاریخی ڈرامے ارطغرل غازی کی اردو ڈبنگ کی پہلی قسط ریلیز کی گئی جس نے دھوم مچا دی۔عمران خان کی جانب سے ارطغرل غازی نشر کیے جانے کی ہدایت کے بعد سے ہی لوگوں کو اس ڈرامے کا بے صبری سے انتظار تھا۔

جیسے ہی یکم رمضان کو اس ڈرامے کی پہلی قسط ریلیز کی گئی تو ٹوئٹر پاکستان کے ٹرینڈنگ پینل پر ارطغرل اردو پی ٹی وی ہیش ٹیگ نمبر ون پر تھا۔وزیر اعظم عمران خان نے حال ہی میں میڈیا سے گفتگو کے دوران تاریخی ترک ڈرامے ارطغرل غازی کے حوالے سے اپنے خیالات کا اظہار کرتے ہوئے کہا کہ پاکستانی عوام یہ ڈرامہ دیکھ کر اسلامی تاریخ اور اخلاقیات کے بارے میں جان سکیں گے۔ارطغرل غازی کی پہلی قسط پر پاکستانی عوام کی جانب سے ڈرامے کی اردو ڈبنگ کو خوب سراہا گیااظہر نامی صارف نے کہا کہ ترک ڈرامے کی ڈبنگ اچھی ہے۔اسلام آباد میں ترک سفیر مصطفی نے اپنے ٹوئٹ میںارطغل غازی دیکھتے ہوئے تصویر شیئر کی اور کہا کہ دیکھتے ہیں کون کون گھر میں یہ ڈرامہ دیکھ رہا ہے، انہوں نے لوگوں سے ڈرامہ دیکھتے وقت کی تصاویر شیئر کرنے کا بھی کہا۔ جویریہ صدیقی نے پی ٹی وی پر ارظغرل غازی دیکھتے ہوئے تصویر شیئر کی اور ڈرامے کی کہانی اور پروڈکشن کی تعریف کی۔

اس وقت زیادہ پڑھی جانے والی خبریں

    اس وقت زیادہ پڑھی جانے والی خبریں

    اوپر