باپ کے روپ میں شیطان صفت انسان  14اور 12سالہ سوتیلی بیٹیوں کو زیادتی کا نشانہ بنانے والا درندہ صفت شخص گرفتار کر لیا گیا ، افسوسناک انکشاف

سوشل میڈیا‎‎

لاہور (آن لائن) ایس پی سول لائنز اسد الرحمان کی سربراہی میں جینڈر بیسڈ وائیلنس سیل سول لائنز ڈویژن نے کارروائی کرتے ہوئے اپنی 14 سالہ اور 12 سالہ سوتیلی بیٹیوں کو زیادتی کا نشانہ بنانے والا درندہ صفت سوتیلا باپ عبدالشکور کو گرفتارکر لیا۔ ملزم عبدالشکور عرصہ8/9 ماہ سے اپنی دونوں سوتیلی بیٹیوں کو حوس کا نشانہ بنا رہا تھا۔

عبدالشکور نے عرصہ ایک سال قبل سمیرا بی بی سے دوسری شادی کی تھی۔ بچیوں کی ماں سمیرا بی بی نے اپنے دوسرے شوہر عبدالشکور کے خلاف بچیوں کیساتھ جنسی زیادتی کا مقدمہ تھانہ شالیمار میں درج کروایا تھا۔ انویسٹی گیشن پولیس جینڈر بیسڈ وائیلنس سیل سول لائنز ڈویڑن نے فوری کارروائی کرتے ہوئے ملزم عبدالشکور کو گرفتار کرلیا۔ متاثرہ بچیوں کے میڈیکل ٹیسٹ کروا لیے گئے ہیں۔ گرفتار ملزم عبدالشکور کاڈی این اے ٹیسٹ کروانے کے لیے کارروائی شروع کر دی گئی ہے۔ ڈی آئی جی انویسٹی گیشن ڈاکٹر انعام وحید خان کی جانب سے ملزم کی فوری گرفتاری پر پولیس ٹیم کو شاباش دی گئی ہے۔

اس وقت زیادہ پڑھی جانے والی خبریں

    اس وقت زیادہ پڑھی جانے والی خبریں

    اوپر