منافع خوروں نے 10دن میں کروڑوں کمالئے ، آٹے، آئل اور گھی کے بعد چینی بھی مزید مہنگی ، انتظامیہ نے بے بسی سے ہاتھ کھڑے کر دیے

سوشل میڈیا‎‎

سرگودھا(آن لائن) انتظامیہ بے بس، چینی کی قیمت میں مزید دو روپے اضافہ کے ساتھ 84روپے فی کلو تک پہنچ گئی،دوسری جانب منافع خوروں نے حالیہ 10دن کے دوران کروڑوں روپے کما لئے ، حساس ادارے کی طرف سے چینی کی قیمتوں میں غیر مناسب ردو بدل پر صوبائی حکومت کو بھجوائی جانیوالی رپورٹ میں بھی واضح کیا گیا ہے کہ ناقص منصوبہ بندی اور ڈنک ٹپائو پالیسی باعث اعلی سطح پر مڈل مین یا ایجنٹوں کے خلاف کاروائی کی بجائے چھوٹے ڈیلرز کو

رضاکارانہ طور پر قیمتیں کم کرنے پر زور دیا گیا، ایکس ملز ریٹ سے لے کر پرچون نرخ تک کے درمیان منافع خوری کرنیوالے بڑے گرانفروشوں کے خلاف کسی قسم کے اقدامات نہیں اٹھائے جا رہے چند ایک افسران سنجیدگی سے عملدرآمد کروانے میں مصروف ہیں مگر سرکاری مراعات یافتہ ایک بڑا طبقہ غیر سنجیدگی کا مظاہرہ کرتے ہوئے گرانفروشوں کیلئے ڈھال بنا ہوا ہے ، جس کے باعث چینی کے ساتھ ساتھ دیگر اشیاء کی قیمتوں میںمزید اضافہ متوقع ہے ۔

اس وقت زیادہ پڑھی جانے والی خبریں

    اس وقت زیادہ پڑھی جانے والی خبریں

    اوپر