مجھے کسی کے پریشر کی پروا نہیں،ایک کروڑ 75 لاکھ لیٹر پٹرول سپلائی کیوں نہیں کیا جا رہا، ملک میں پٹرولیم کی قلت پر وزیراعظم کا سخت برہمی کا اظہار

سوشل میڈیا‎‎

اسلام آباد (این این آئی) وزیر اعظم عمران خان نے ملک میں پٹرولیم کی قلت پر ایک بار پر سخت برہمی کااظہار کرتے ہوئے ہدایت کی ہے کہ جو جو کمپنی ہورڈنگ میں ملوث ہے ان کیخلاف سخت کارروائی کی جائے۔ ذرائع کے مطابق بدھ کو وزیراعظم کی زیر صدارت پیٹرول کی قلت پر ہنگامی میٹنگ ہوئی جس میں وفاقی وزیر عمر ایوب اور معاون خصوصی ندیم بابر کو طلب کیا گیا۔ وزیر اعظم نے استفسار کیاکہ بتایا جاے ابتک کیا اقدامات کیے گئے ہیں۔ ذرائع کے مطابق وزیراعظم

نے کہاکہ مجھے کسی کے پریشر کی پروا نہیں،اداروں کو اپنا کام کرنا ہو گا۔ بتایاگیاکہ 1 کروڑ 75 لاکھ لیٹر اٹک ریفائنری کے پاس موجود ہے جو آگے سپلائی نہیں کیا جا رہا،آے آر ایل ریفائنری نارتھ ریجن کو تیل سپلائی کرتا ہے اور زیادہ وہاں ہی مسائل ہیں۔ ذرائع کے مطابق او ایم سیز کا کیماڑی اور پورٹ قاسم میں ہورڈنگ پر بھی وزیراعظم کو بریف کیا گیا۔ وزیر اعظم نے ہدایت کی کہ جو جو کمپنی ہورڈنگ میں ملوث ہے ان کیخلاف سخت کاوروائی کی جائے۔

اس وقت زیادہ پڑھی جانے والی خبریں

    اس وقت زیادہ پڑھی جانے والی خبریں

    اوپر