28 اکتوبر کو ہی دو نومبر ہوگیا،مزید طاقت کے استعمال ہوا تو ،پیپلزپارٹی نے خطرے کی گھنٹی بجادی

پاکستان

اسلام آباد (این این آئی) پاکستان پیپلزپارٹی کے سینئر رہنما قمر زمان کائرہ نے کہا ہے کہ حکومت نے 28 اکتوبر کو ہی دو نومبر کر دیا تاہم راستے بند کریں اور طاقت کے استعمال سے دھرنا ناکام نہیں کامیاب ہو گا ٗ حکومت کو اپنی ذمہ داری نبھانے کی ضرورت ہے ۔ہفتہ کو میڈیا سے گفتگو کرتے ہوئے قمر زمان کائرہ نے کہا کہ حکومت طاقت کے استعمال کی طرف چل نکلی ہے راستے اور سڑکیں بند کرنے سے معاملات طے نہیں ہوتے ٗ حکومت کو ذمہ داری کے ساتھ مسائل کا حل نکالنے کی سنجیدہ کوشش کرنی چاہئے ۔ انہوں نے کہا کہ پرامن احتجاج سب کا حق ہے کوئی حکومت یہ حق نہیں چھین سکتی ٗایک صوبے کے وزیر اعلی کو دوسرے میں جانے سے روکنا افسوسناک ہے ۔پاکستان پیپلزپارٹی کے مرکزی رہنما نے صحافی کے ایک سوال کا جواب دیتے ہوئے کہا کہ ہم نے عمران خان کو نہیں چھوڑا بلکہ خان صاحب نے اپوزیشن کا ساتھ چھوڑا ہے ۔

اس وقت زیادہ پڑھی جانے والی خبریں

اس وقت زیادہ پڑھی جانے والی خبریں

اوپر