عید الضحیٰ کے موقع پر ورکنگ باؤنڈری پر بلااشتعال فائرنگ اور گولہ باری

جنرل خبریں

بھارتی افواج کی جانب سے عید الضحیٰ کے موقع پر بھی سرحدی خلاف ورزیوں اور اشتعال انگیز کارروائیوں کا سلسلہ جاری ہے اور ورکنگ باؤنڈری پر بلااشتعال فائرنگ اور گولہ باری سے 4 پاکستانی شہری شہید ہوگئے ہیں۔

آئی ایس پی آر کی جانب سے جاری بیان کے مطابق بھارتی فوج نے سیالکوٹ ورکنگ باؤنڈری اور لائن آف کنٹرول میں نکیال، کریلا، کوٹ کٹیرا، گرم چشمہ اور جندروٹ سیکٹرز میں شدید فائرنگ اور گولہ باری کی، جس کے نتیجےمیں سلیمہ بی بی ، 65 سالہ عبد الرزاق، 10 سالہ عدیل احمد اور  4 سالہ حماد احمد شہید جبکہ محمداسحاق، محمدرحیم اور کاشف زخمی ہوگئے۔ بھارتی جارحیت پر ورکنگ باؤنڈری پر پنجاب رینجرز اور لائن آف کنٹرول پر پاک فوج نے بھرپور جواب دیا تاہم اس سے کسی بھی قسم کے جانی نقصان کی اطلاع نہیں ملی۔

واضح رہے کہ گزشتہ روز بھی بھارت نے  جندروٹ سیکٹر پر بلااشتعال فائرنگ کی تھی جس کا جواب بھی بھرپور طریقے سے دیا گیا تھا۔

اس وقت زیادہ پڑھی جانے والی خبریں

    اس وقت زیادہ پڑھی جانے والی خبریں

    اوپر