دبئی ٹیسٹ کا دوسرا روز ،مصباح الحق کی نصف سنچری

جنرل خبریں

دبئی ۔۔۔۔دبئی ٹیسٹ کے دوسرے روز پاکستانی ٹیم نے بیٹنگ کا دوبارہ آغاز کر دیا اور 4 وکٹوں پر 273 رنز بنا لیے ہیں۔مصباح الحق 58 اور اسد شفیق 39 رنز کے ساتھ وکٹ پر موجود ہیں۔دبئی میں جاری سیریز کے پہلے ٹیسٹ میچ کے دوسرے روز قومی ٹیم کی پہلی اننگز میں ذمہ دارانہ بیٹنگ جاری ہے ، قومی ٹیم کے کپتان مصباح الحق نے محتاط بلے بازی کرتے ہوئے کیریئر کی 26 ویں نصف سنچری مکمل کر لی ہے۔ انہوں نے یہ کارنامہ نو اننگز کھیلنے کے بعد انجام دیا۔ ان کا ساتھ دینے والے اسد شفیق بھی اپنی 10 ویں نصف سنچری کی طرف گامزن ہیں۔ پاکستان نے 4 وکٹوں پر 219 رنز کے ساتھ پہلے دن کھیل کا اختتام کیا تھا جس میں سینئیر بیٹسمین یونس خان نے شاندار اور یادگار 25 ویں ریکارڈ سنچری سکور کی تھی وہ 106 رنز بنا کر ایل بی ڈبلیو ہوئے تھے۔

اس وقت زیادہ پڑھی جانے والی خبریں

    اس وقت زیادہ پڑھی جانے والی خبریں

    اوپر