خواہش ہے عمران خان بھی دھرنا ختم کردیں ،خورشید شاہ

اسلام آباد۔۔۔قومی اسمبلی میں قائد حزب اختلاف خورشید شاہ نے کہا ہے کہ حکومت اس خوش فہمی میں نہ رہے کہ طاہرالقادری دھرنے سے چلے گئے بلکہ اسے غلطیوں سے سیکھتے ہوئے مشاورت سے آگے بڑھنا چاہیئے۔یہاں صحافیوں سے بات چیت کرتے ہوئے انہوں نے کہا کہ پارلیمنٹ سب سے مضبوط فورم ہے اور یہی مسائل حل کرسکتا ہے تاہم اب بھی پارلیمنٹ کا ایک گروپ باہر بیٹھا ہے اور خواہش ہے کہ طاہرالقادری کی طرح عمران خان بھی دھرنا ختم کردیں۔ انہوں نے کہا کہ عوامی تحریک کے سربراہ کی جانب سے دھرنا ختم کرنے کا اعلان خوش ا?ئند ہے جبکہ دھرنا ختم ہونا کسی کی جیت نہیں بلکہ پارلیمنٹ کی جیت ہے اور حکومت اس خوش فہمی میں رہے کہ طاہرالقادری چلے گئے تو بات ختم ہوگئی۔
قائد حزب اختلاف کا کہنا تھا کہ سیاسی جماعتوں نے کئی برس بعد سیاسی پختگی دکھائی تاہم اسلام ا?باد میں جو ہوا اچھے کے لئے تھا اور حکومت کی ذمہ داری ہے کہ وہ غلطیوں سے سیکھ کر مشاورت سے آگے بڑھے

اس وقت زیادہ پڑھی جانے والی خبریں

    اس وقت زیادہ پڑھی جانے والی خبریں

    اوپر