شہبازشریف کے بعدمریم نواز کی باری؟ حکومت نے گرفتاری کا عندیہ دیدیا

سوشل میڈیا‎‎

اسلام آباد(مانیٹرنگ ڈیسک،این این آئی)وفاقی حکومت نے ن لیگ کی نائب صدر مریم نواز کو گرفتار کروانے کا عندیہ دے دیا، نجی ٹی وی پروگرام میں گفتگو کرتے ہوئے مشیرداخلہ واحتساب شہزاد اکبرنے

کہا ہے کہ مریم نواز نے وکٹری اسپیچ دی جس میں کہیں اپنے چچا کیلئے ہمدردی نظر نہیں آئی۔ مریم نواز نے خود کہا ان کے چچا مفاہمت کی سیاست کرتے ہیں۔ شہزاد اکبر نے مزید کہا کہ مریم نواز ضمانت معاملے پر خاتون ہونے کا بھرپور فائدہ اٹھارہی ہیں۔میری نظرمیں مریم نواز کی ضمانت کو چیلنج کرنا چاہیے۔دریں اثنا شہباز شریف کی گرفتاری پر رد عمل کا اظہار کرتے ہوئے انہوںنے کہاکہ معاملہ صرف بچوں کا نہیں، ریفرنس میں شہباز شریف کے منی لانڈرنگ میں ملوث ہونے، اکائونٹس سے فائدہ اٹھانے کے براہ راست الزامات ہیں۔انہوں نے کہا کہ شواہد ہونے کے بنیا دپر ہی لاہور ہائی کورٹ نے شہباز شریف کی ضمانت قبل از گرفتار ی مسترد کی، ایک عدالتی فیصلہ آگیا اب کون کیا کہتا ہے معنی نہیں رکھتا، عدالتی معاملات کو سیاسی رنگ دینا توہین عدالت ہے۔

اس وقت زیادہ پڑھی جانے والی خبریں

اس وقت زیادہ پڑھی جانے والی خبریں

اوپر