15اکتوبر سے دوبارہ تعلیمی ا دارے بند ہونے کی خبریں ، وفاقی وزیر تعلیم شفقت محمود نے اپنا حتمی فیصلہ سنا دیا

سوشل میڈیا‎‎

اسلام آباد(آن لائن) وفاقی وزیر تعلیم شفقت محمود نے تعلیمی ادارے 15 اکتوبر سے بند ہونے والی خبروں کو غلط اور جعلی قرار دیتے ہوئے ان کی سختی سے تردید کر دی ہے۔سماجی رابطوں کی ویب سائٹ ٹویٹر سے جاری اپنے پیغام میں شفقت محمود کا کہنا تھا کہ سوشل میڈیا پر اس حوالے سے

پھیلائی جانے والی خبروں میں کسی قسم کی کوئی صداقت نہیں ہے۔ تعلیمی ادارے 15 اکتوبر سے بند نہیں ہو رہے۔ ایسی خبریں غلط اور جعلی ہیں۔ واضع رہے وفاقی دارالحکومت اسلام آباد کے تعلیمی اداروں میں کورونا وائرس کے کیسز میں اضافہ ہو رہا ہے۔ گزشتہ روز اسلام آباد کالج فار بوائز جی سکس تھری میں کورونا کے مثبت کیسز سامنے آئے ہیں، مذکورہ کالج میں 3 اساتذہ کا کورونا ٹیسٹ مثبت آیا تھا۔ ڈسٹرکٹ ہیلتھ آفیسر ضعیم ضیا نے تعلیمی ادارے کو سیل کرنے کا مراسلہ جاری کردیا ہے۔دوسری جانب ذرائع کے مطابق تعلیمی سرگرمیاں بحال ہونے کے بعد کورونا کے مریض سامنے پر اب تک 9 تعلیمی اداروں کو سیل کیا جا چکا ہے۔ ان 9 تعلیمی اداروں سے کورونا کے 15 مریض رپورٹ ہوئے تھے۔ بند کئے گئے تعلیمی اداروں میں راولپنڈی کے 4، ٹیکسلا کے 3 اور مری کے 2 تعلیمی ادارے شامل ہیں۔ ان کے علاوہ 1100 کے قریب تعلیمی اداروں سے وابستہ طلبہ، اساتذہ اور سٹاف کی رپورٹس آنا باقی ہیں۔

اس وقت زیادہ پڑھی جانے والی خبریں

اس وقت زیادہ پڑھی جانے والی خبریں

اوپر