ملک بھر میں گندم کی قیمتوں میں اضافے کا تسلسل جاری،روٹی نان بھی مہنگا،حکومت کی عوام کو صرف طفل تسلیاں

سوشل میڈیا‎‎

فیصل آباد (آن لائن)فیصل آباد سمیت ملک بھر میں گندم کی قیمت میں اضافہ جاری‘سادہ روٹی آٹھ روپے‘خمیری روٹی اور سادہ نان 15روپے میں فروخت‘قیمتوں میں مزید اضافے کا خدشہ‘لوگوں کیلئے دووقت کا کھانا بھی مشکل بن گیا‘

حکومت صورتحال پر قابو پانے کی بجائے عوام کو ”تسلیاں“دینے میں مصروف‘آن لائن کے مطابق ملک میں دیسی گندم حکومت کے مقررکردہ نرخ سے کم وبیش ایک ہزار روپے زائد قیمت پر فروخت ہو رہی ہے‘آٹے کی قیمت بھی من مانی ہے جو 70روپے فی کلو تک فروخت ہورہا ہے جبکہ چکی کے آٹے کی قیمت ایک سو روپے فی کلو تک پہنچتی دکھائی دینے لگی ہے‘ایک اندازے کے مطابق رواں سال صوبہ پنجاب میں دو کروڑ ٹن گندم پیدا ہوئی جس کی قیمت حکومتی سطح پر 1400روپے فی من مقرر کی گئی لیکن پاکستان میں گندم کی فصل آنے کے دو تین ماہ بعد ہی گندم درآمد کرنا پڑی‘خدشہ ہے کہ ذخیرہ اندوزوں نے گودام میں گندم ذخیرہ کرکے مال کمانے کی ٹھان رکھی ہے اور اکتوبر کے اوائل میں ہی گندم کی قیمت 2400روپے من تک جا پہنچی ہے‘اس صورتحال پر حکومت کو فوری نوٹس لیکر سخت اقدامات اٹھانے چاہیے تاکہ گندم کے بحران پر قابو پایا جا سکے۔

اس وقت زیادہ پڑھی جانے والی خبریں

    اس وقت زیادہ پڑھی جانے والی خبریں

    اوپر