نواز شریف کا ریورس انجینئرنگ کے ذریعے میزائل بنانے کا دعویٰ جھوٹا قرار ایٹمی سائنسدان ڈاکٹر عبد القدیر خان نے کیا کہا ؟قوم کو حقیقت سے آگاہ کر دیا

سوشل میڈیا‎‎

اسلام آباد (مانیٹرنگ ڈیسک )سابق وزیر اعظم نواز شریف کا ریورس انجینئرنگ کے ذریعے میزائل بنانے کا دعویٰ جھوٹا قرار دے دیاگیا ۔قومی اخبار جنگ سے گفتگو کرتے ہوئے ایٹمی سائنسدان ڈاکٹر عبد القدیر خان نے نے کہا کہ جب میزائل فائر ہونے کے بعد کسی مقام پر گر جاتا ہے تو

تکنیکی طور پر یہ ممکن نہیں ہوتا کہ ریورس انجینئرنگ کر کے اسے دوبارہ اصل حالت میں لایا جاسکے۔انہوں نے کہا کہ ریورس انجینئرنگ ، میزائیل کی فعالیت اور درستی میں کلیدی کردار سافٹ ویئر کا ہوتا ہے اس کے ساتھ ساتھ میزائل کا مکمل غیر استعمال شدہ حالت میں دستیاب ہونا ضروری ہوتا ہے۔ انہوں نےمزید کہا ہمارے تمام میزائل مقامی طور پر بنائے گئے جو ایک ٹیم ورک کا نتیجہ تھے۔انہوں نے اپنے دور میں بنائے گئے میزائلوں کی مختصر تفصیل بتاتے ہوئے کہا کہ وہ گائیڈڈ میزائل پروجیکٹ میں چیف کوارڈینیٹر تھے جہاں میزائل کی باڈی اور تمام اہم پارٹس کی تیاری ڈاکٹر اعجاز کھوکھر مرحوم کی ذمہ داری تھی جبکہ ڈاکٹر نسیم خان مرحوم اور ڈاکٹر ہاشمی اس کے سافٹ وئیرکے معاملات کو دیکھتے تھے۔واضح رہے کہ کچھ روز قبل نوازشریف نے دعویٰ کیا تھا کہ 1998 میں امریکی حکومت نے افغانستان پر میزائل برسائے تو انہیں بلوچستان سے ٹام ہاک میزائل ثابت ملا جسے انہوں نے سائنسدانوں کے حوالے کرکے کہا کہ مجھے بالکل ایسا ہی میزائل چاہئے۔

اس وقت زیادہ پڑھی جانے والی خبریں

اس وقت زیادہ پڑھی جانے والی خبریں

اوپر