سردیوں میں سکول کس وقت کھلیں گے،چھٹی کب ہوگی؟ حکومت نے نئے اوقات کار جاری کردئیے

سوشل میڈیا‎‎

اسلام آباد(مانیٹرنگ ڈیسک)ڈسٹرکٹ ایجوکیشن اتھارٹی لاہور نے موسم سرما کے لیے سکولوں کے نئے اوقات کار جاری کردئیے ۔میڈیا رپورٹس کے مطابق گرلز سکول ساڑھے آٹھ بجے لگے گا۔اڑھائی بجے دوپہر چھٹی ہوگی جبکہ بوائز سکول 9 بجے لگے گا اور چھٹی دوپہر تین بجے ہوا کرے گی۔

جمعے کے روز گرلز سکول میں ساڑھے بارہ بجے چھٹی ہوا کرے گی جبکہ اس روز بوائز سکول میں چھٹی دوپہر ایک بجے ہوا کرے گی۔ایجوکیشن اتھارٹی لاہور کے مطابق موسم سرما کے اوقات کار کا اطلاق کل سے ہوگا۔سکول کے اوقات کار میں فرق ٹریفک کے بہا ئوکو کم کرنے کے لیے رکھا گیا ہے۔دوسری جانب پنجاب میں تعلیمی اداروں میں موسم سرما کی تعطیلات نہ کرنے کا اعلان کر دیا گیا ہے۔ پنجاب کے وزیر تعلیم مراد راس نے اعلان کیا ہے کہ رواں برس کورونا وبا کی وجہ سے پہلے ہی تعلیم کا کافی نقصان ہو چکا ہے اس لیے صوبے کے سکولوں میں موسم سرما کی تعطیلات نہیں ہوں گی۔

اس وقت زیادہ پڑھی جانے والی خبریں

    اس وقت زیادہ پڑھی جانے والی خبریں

    اوپر