نواز شریف کی زبان بند نہ ہوئی تو کھینچنی پڑے گی بلاول بھٹو اور مریم پاکستان کی بات کریں ورنہ عوام انہیں اٹھا کر کہاں پھینک دے گی ؟ تحریک انصاف کے سینئر رہنما کا تہلکہ خیز اعلان

سوشل میڈیا‎‎

ٹیکسلا (این این آئی/مانیٹرنگ ڈیسک)وفاقی وزیر برائے ہو ابازی غلام سرور خان نے کہاہے کہ ہر آنے والے دنوں میں نواز شریف اپنے وطن دشمن بیانات سے غداری کے مرتکب ہو رہے ہیں،مضبوط محفوظ اور خوشحال پاکستان ہماری منزل ہے، ملک کی بقا اور سالمیت کے لئے اپنے خون کا آخری قطرہ تک بہا دیں گے، ملک ہے تو ہم ہیں، اداروں کو مضبوط بنائینگے،مہنگائی پر قابو پانے کے

جامع حکمت عملی طے کر رہے ہیں، آنے والا وقت پہلے سے بہتر ہو جائیگا۔وفاقی وزیر برائے ہو ابازی غلام سرور خان نے ملک آباد وارڈ نمبر 9 ٹیکسلا میں جلسہ عام سے خطاب اور علاقے کے لئے گیس کی فراہمی کے منصوبے کا افتتاح کیا۔اس موقع پر ایم این اے منصور حیات خان اور ایم پی اے عمار مسعود موجود تھے۔غلام سرور خان نے کہاکہ کروڑوں روپے کی کثیر رقم سے یہ منصوبے مکمل کئے جارہے ہیں۔غلام سرور خان نے کہاکہ سیاست عبادت سمجھ کر رہا ہوں،سیاست کا مقصدخدمت کرنے کا نام ہے۔ غلام سرور خان نے کہاکہ ہماری نیت صاف ہے،خدمت خلق کے جذبہ سے سرشار ہو کر اس علاقے کی تعمیرو ترقی جاری رکھیں گے۔غلام سرور نے کہاکہ یقین دلاتا ہوں آپ کے باقی مسائل ترجیحی بنیادوں پر حل ہونگے،آپ کیاعتماد پر پورا اترنے کوشش کر رہے ہیں۔ انہوں نے کہاکہ مضبوط محفوظ اور خوشحال پاکستان ہماری منزل ہے،اس ملک کی بقا اور سالمیت کے لئے اپنے خون کا آخری قطرہ تک بہا دیں گے۔انہوں نے کہاکہ یہ ملک ہے تو ہم ہیں اس کے اداروں کو مضبوط بنانا ہوگا۔انہوں نے کہاکہ پور ی دنیا دیکھ لیں اس ملک جیسی نعمتیں پوری دنیا میں نہیں ملتیں۔انہوں نے کہاکہ ملک کے اندر کالی بھیڑوں کو پہچانیں اور ان ملک دشمن عناصر کو ناکام بنانے میں اتفاق و اتحاد سے کام لیں،یہ سوچنے کی بات ہے کہ مسلم بستیاں سکڑ رہی ہیں انہوں نے کہاکہ ملک ترقی کی طرف گامزن ہے۔ مہنگائی پر قابو پانے کے جامع حکمت عملی طے کر رہے ہیں،انشا للّٰہ آنے والا وقت پہلے سے بہتر ہوتا جائے گا۔میڈیا سے گفتگو کرتے انہوں نے کہاکہ ہر آنے والے دنوں میں نواز شریف اپنے وطن دشمن بیانات سے غداری کے مرتکب ہو رہے ہیں۔انہوں نے کہاکہ یہ ان کی قسمت اچھی ہے کہ ابھی تک ادارے ان کے خلاف کو ئی ایکشن نہیں کررہے۔‎وفاقی وزیر ہوا بازی غلام سرور خان کا کہنا ہےکہ نواز شریف کو واپس لانےکے لیے بھرپور سفارتی تعلقات استعمال کیے جائیں گے۔ ٹیکسلا میں میڈیا سے گفتگو کرتے ہوئے غلام سرور خان کاکہنا تھا کہ نواز شریف کے ساتھ ان کی اولاد کو بھی وطن واپس لائیں گے، اگر نواز شریف کی زبان بند نہ ہوئی تو کھینچنی پڑے گی۔وفاقی وزیر کا مزید کہنا تھا کہ بلاول بھٹو زرداری اور مریم نواز پاکستان کی بات کریں، نہیں تو عوام انہیں اٹھاکربحیرہ عرب میں پھینک دیں گے۔

اس وقت زیادہ پڑھی جانے والی خبریں

    اس وقت زیادہ پڑھی جانے والی خبریں

    اوپر