بلوچستان میں دہشت گردی کا ایک بڑا منصوبہ ناکا م

کوئٹہ۔۔۔۔فرنٹیئر کور نے دہشت گردی کا بڑا منصوبہ ناکام بتاتے ہوئے اسلحہ و بارود سے بھرا ٹرک اور بڑی تعداد میں اسلحہ برآمد کرتے ہوئے 3 ملزمان کو حراست میں لے لیا ہے۔وزیر داخلہ بلوچستان سرفراز بگٹی کا پریس کانفرنس کرتے ہوئے کہنا تھا کہ ایف سی اور حساس اداروں نے کامیاب کارروائی کر کے دہشت گردی کا ایک بڑا منصوبہ ناکا م بنایا ہے، کامیاب کارروائی پر ایف سی اور حساس اداروں کو خراج تحسین پیش کرتا ہوں۔ ان کا کہنا تھا کہ دہشت گرد مختلف علاقوں میں اسلحہ و بارود منتقل کر کے بلوچ اور پشتون بھائیوں میں تصادم کرانا چاہتے تھے، پاکستان آرمی، حساس اداروں اور ایف سی کے ساتھ مل کر دہشت گردوں کے عزائم کو ناکام بنائیں گے اور بلوچستان کو پر امن ا ور خوشحال بنائیں گے۔ بلوچستان میں داعش کا کوئی وجود نہیں ہے، دیواروں پر زندہ باد اور مردہ باد تو میں بھی لکھ سکتا ہوں۔ترجمان ایف سی نے بتایا کہ حساس اداروں کی رپورٹ پر پنجگور، قلعہ سیف اللہ اور ڑوب سمیت بلوچستان کے مختلف علاقوں میں کارروائی کی گئی جس میں اسلحہ و بارود سے بھرا ٹرک اور بڑی تعداد میں جدید اور روایتی ہتھیار برآمد کئے گئے۔ انٹیلی جنس اداروں کی کارروائیوں میں 5 ہزار کلو گرام بارودی مواد، 200 کلاشکوفیں، تیار بم، بڑی تعداد میں ڈیٹونیٹر، آئی ای ڈیز، 30 بور کے درجنوں پستول، راکٹ لانچرز اور ہیند گرینیڈ بھی برآمد ہوئے جب کہ 3 ملزمان کو حراست میں لے کر تفتیش کا آغاز کر دیا ہے۔

اس وقت زیادہ پڑھی جانے والی خبریں

اس وقت زیادہ پڑھی جانے والی خبریں

اوپر