’’پاکستان کیخلاف فضائی کارروائی سے ہمیں 22مزید نشستیں ملیں گی‘‘ مودی کی پاکستان کیساتھ کشیدگی بڑھانے کی اصل وجہ منظر عام پر آگئی

انٹرنیشنل

نئی دہلی ( آن لا ئن )بھارت میں انتہا پسند حکمران جماعت بھارتی جنتا پارٹی (بی جے پی) کی انتخابات میں کامیابی کے لئے موت کے کھیل اور پاک بھارت کشیدگی بڑھانے کی اصل وجہ منظر عام پر آگئی ۔خبر رساں ادارے کے مطابق جمعرات کے روز مرکزی رہنما بی جے پی ،بی ایس یادیو نے ایک بیان میں دعویٰ کیا ہے کہ پاکستان کیساتھ کشیدگی میں اضافے اور فضائی حملوں سے ہماری جماعت کو 22 مزید نشستیں جیتنے میں مدد ملے گی۔انہوں نے کہا کہ پاکستان میں فضائی کارروائی سے پورے ملک میں مودی مخالف ہوا تھم گئی ہے، فضائی

کارروائی مودی کے حق میں بہترین ثابت ہوئی، جس کا نتیجہ انتخابات میں دیکھنے کو ملے گا۔بی ایس یادیو کا مزید کہنا تھا کہ بی جے پی کو لوک سبھا کی 22 سے 28 نشستیں جیتنے میں مدد ملے گی۔ دوسری جانب بھارتی کی سب سے بڑی سیاسی جماعت کانگریس کے ترجمان نے بی جے پی رہنما بی ایس یادیو کے بیان کو احمقانہ بیان قرار دیا ہے ۔

اس وقت زیادہ پڑھی جانے والی خبریں

اس وقت زیادہ پڑھی جانے والی خبریں

اوپر