میں کلثوم نواز کے ساتھ بیٹھی کھانا کھا رہی تھی کہ اچانک مجھے میرے شوہر نے آواز دی، میںنے توجہ نہ دی اور کھانا کھاتی رہی تو اس وقت بیگم کلثوم نواز نے مجھے کہا کہ۔۔ تہمینہ دولتانہ سابق خاتون اول کا دلچسپ واقعہ سامنے لے آئیں

اہم خبریں

اسلام آباد(مانیٹرنگ ڈیسک)نجی ٹی وی پروگرام میں گفتگو کرتے ہوئے مسلم لیگ ن کی سینئر خاتون رہنما اور شریف فیملی کے شانہ بشانہ اچھے اور برے وقت میں ساتھ رہنے والی تہمینہ دولتانہ نے کہا کہ بیگم کلثوم نواز انتہائی مدبر اور روادار خاتون تھیں ۔ ایک واقعہ سناتے ہوئے تہمینہ دولتانہ کا کہنا تھا کہ ایک سفر کے دوران ہمیں ساہیوال پہنچنا تھا اور اس دوران میرے ساتھ میرے شوہر اور بیگم کلثوم نواز بھی ہمراہ تھیں جنہوں نے ساہیوال سے لاہور اور میں نے وہاڑی چلے جانا تھا۔

ساہیوال میں ہم رکے اور کھانا کھانے لگے تو اس دوران مجھے میرے شوہر نے آواز دی ،میرے ساتھ بیگم کلثوم نواز بھی کھانا کھا رہی تھیں ، میں نے انہیں کہا کہ میں کچھ تھوڑا کھا لوں پھر اپنے شوہر کی بات سنتی ہوں جس پر بیگم کلثوم نے مجھے کہا کہ کھانا چھوڑو اور فوراََ اپنے شوہر کی بات سنو، وہ تمہارے کھانے سے زیادہ اہم ہے۔ تہمینہ دولتان کا کہنا تھا کہ بیگم کلثوم نواز نے ہر جگہ ہماری رہنمائی کی چاہے وہ میدان سیاست ہو یا عام زندگی ان کی ساری زندگی بہترین اصولوں پر مبنی تھی۔

اس وقت زیادہ پڑھی جانے والی خبریں

اوپر