وزیراعظم عمران خان نے خلاف راشدہ کی یاد تازہ کر دی وزیروں کو لیکررات گئے اچانک کہاں پہنچ گئے؟جس نے دیکھا دیکھتا ہی رہ گیا

اہم خبریں

اسلام آباد(مانیٹرنگ ڈیسک)وزیراعظم عمران خان رات گئے اچانک راولپنڈی کے راجہ بازار کے فوارہ چوک کے قریب قائم ’پناہ گاہ‘شیلٹر ہوم میں پہنچ گئے، ہولی فیملی ہسپتال کے شعبہ اطفال اور فیملی یونٹ کا بھی دورہ، سہولیات کا جائزہ لیا۔ تفصیلات کے مطابق وزیراعظم عمران خان رات گئے اچانک راولپنڈی کے راجہ بازار کے فوارہ چوک کے قریب قائم ’پناہ گاہ‘شیلٹر ہوم میں پہنچ گئے ۔وزیراعظم نے بے گھر افراد کیلئے شب بسری کیلئےقائم کی گئی سہولت گاہ میں سہولیات کا جائزہ لیا۔

اس موقع پر وزیراعظم نے بہترین انتظام پر وفاقی وزیر صحت سروسز عامر کیانی اور شیلٹر ہوم انتظامیہ کی تعریف کی۔ وزیراعظم کا کہنا تھا کہ غریبوں کی نگہداشت معاشرے کی ذمہ داری ہے۔ نہایت سرد موسم میں خلق خدا کیلئے گرم بستر اور خوراک کی فراہمی عظیم خدمت ہے، چھت سے محروم انسانوں کیلئے معیاری سہولیات کا بندوبست لائق تحسین ہے۔وزیراعظم نے کہا کہ اپنی مدد آپ کے تحت شہریوں کا انسانیت کی خدمت کیلئے آگے بڑھنا نہایت حوصلہ افزاء ہےاور قوم کا یہی جذبہ ترقی اور خوشحالی کا ضامن ہو گا۔اس موقع پر وفاقی وزیر صحتعامر کیانی ، وزیراعظم کے معاون خصوصی افتخار درانی اور سینیٹر فیصل جاوید بھی وزیراعظم کے ہمراہ تھے۔ وزیراعظم بعد ازاں ہولی فیملی ہسپتال پہنچے اور انہوں نے ہسپتال کے شعبہ اطفال اور فیملی یونٹ کا دورہ کیا، اس موقع پر وزیراعظم کو ہسپتال میں دی جانیوالی سہولیات سے متعلق بریفنگ دی گئی۔ وزیراعظم نے ہسپتال میں علاج معالجے کے مجموعی معیار،صفائی کی مجموعی صورتحال اور ادویات کی فراہمی کے نظام کا جائزہ بھی لیا۔ ذرائع کے مطابق وزیراعظم ہسپتال سے متعلق غیر مطمئن پائے گئے ،وزیراعظم نے ہولی فیملی ہسپتال بارے وزیر صحت کو آج شام تک مفصل رپورٹ جمع کروانے کی ہدایت کی ہے۔

اس وقت زیادہ پڑھی جانے والی خبریں

اوپر