پاکستان میں چند دنوں میں کرونا کیسز میں حیرت انگیز کمی ، پاکستانیوں کو خوشخبری سنادی گئی

اہم خبریں

لاہور(مانیٹرنگ ڈیسک) پاکستان میں چند دنوں سے کورونا کے نئے کیسز کی شرح نسبتاََ کم ہوگئی ہے۔لاہور میں کورونا ایکسپرٹ ایڈوائزری اور ٹیکنیکل ورکنگ گروپ کے پروفیسر ڈاکٹر محمود شوکت، ڈاکٹر اسد اسلم، ڈاکٹر ثاقب سعید، رافعہ حیدر اور دیگر نے میڈیا بریفینگ کے دوران بتایا کہ صحت یاب مریضوں میں وائرس کی دوبارہ منتقلی کی جانچ کے لیے ٹیم تشکیل دے دی گئی ہے۔نجی ٹی وی رپورٹ کے مطابق ڈاکٹر ثاقب سعید کا کہنا تھا کہ صحت یاب مریضوں کو احتیاطی تدابیر جاری رکھنا ہوں گی جب کہ کورونا ٹیسٹنگ کی استعداد بڑھائی جارہی ہے اور نئے کیسز نسبتاً کم

ہوگئے ہیں۔گروپ کے ممبران کا کہنا تھا کہ ان کا مقصد سوشل میڈیا اور دیگر ذرائع کی غلط خبروں کی تردید کرنا ہے۔ انہوں نے بتایا کہ عوام کورونا سے بچاؤ کے لیے ائیر کنڈیشنر کا محتاط استعمال کریں، کمروں کی کھڑکیاں کھولتے رہا کریں جب کہ ٹیسٹوں کے نرخ کم کرنے کے ا قدامات بھی جاری ہیں۔پروفیسر ڈاکٹر اسد اسلم نے بتایا کہ ہر طرح کی صورتحال سے نمٹنے کے لیے ٹیسٹنگ کی صلاحیت اور بیڈز کی تعداد میں اضافہ کیا جارہا ہے۔

اس وقت زیادہ پڑھی جانے والی خبریں

اس وقت زیادہ پڑھی جانے والی خبریں

اوپر