’’جیسی کرنی ویسی بھرنی، ہماری چھوڑو اپنی خیر منائو‘‘ عمران خان کو اگلا وزیراعظم جیل بھیجے گا،زرداری نے ایسا خوفناک اعلان کر دیا کہ جان کر وزیراعظم کے بھی ہوش اڑ جائینگے

پاکستان

اسلام آباد(مانیٹرنگ ڈیسک) تحریک انصاف کی ناتجربہ کار حکومت نہیں چل سکے گی اور عمران خان کو اگلا وزیراعظم جیل بھیجے گا، آصف زرداری نے ایسا خطرناک اعلان کر دیا کہ سن کر عمران خان بھی پریشان ہو جائینگے۔ تفصیلات کے مطابق پیپلزپارٹی کے کو چیئرمین اور سابق صدر آصف علی زرداری نے ٹنڈو الہیار میں میڈیا سے گفتگو کرتے ہوئے کہا کہ ہم نے تو پہلے ہی کہا تھا کہتحریک انصاف کی ناتجربہ کار حکومت نہیں چل سکے گی اور عمران خان کو اگلا وزیراعظم جیل بھیجے گا۔ ان کا کہنا تھا کہ الیکشن میں لائی گئی کٹھ پتلیوں

سے کام نہیں چلنا، یہ حکومت ملک نہیں سنبھال سکتی اور حالات بہت سنگین ہیں، تاہم بدترین جمہوریت بہترین آمریت سے بہتر ہوتی ہے، اسی لیے پارلیمنٹ میں بیٹھے ہیں تاکہ کسی اور قوت کو نظام لپیٹنے کا موقع نہ ملے اور ہم ایسا نہیں ہونے دیں گے، تاہم پی ٹی آئی حکومت کی پوری کوشش ہے کہ کسی طرح نظام کو توڑ دیں۔آصف زرداری نے کہا کہ یہ ناتجربہ کار حکومت ہے جسے سیاسی سمجھ بوجھ نہیں، ون یونٹ کے خلاف ہم نے جدوجہد کی تھی اور موقع ملا تو آئین میں ترمیم کی، اب یہ حکومت اٹھارویں ترمیم سے متعلق کچھ شقوں کا بہانہ بناکر آئین کو منسوخ کرنا چاہتی ہے، ہم حکومت کی اس کوشش کی بھرپور مخالفت کریں گے، تاہم موجودہ حکومت نہیں چل سکے گی اور اگر اسے خطرہ ہوا تو اسے ہم نہیں بلکہ وہی طاقتیں سپورٹ کریں گی جو لے کر آئی ہیں۔انہوں نے کہا کہ ہم میں جیل جانے کی صبر و برداشت ہے لیکن کیا عمران خان خود جیل جانا برداشت کرسکتے ہیں، جیسی کرنی ویسی بھرنی، نواز شریف نے احتساب عدالتیں اور قانون میرے لیے بنائے تھے لیکن خود ان کے گلے پڑگئے اور آج وہ کٹہرے میں کھڑے ہیں، عمران خان آج اپوزیشن کو جیل بھیجیں گے لیکن آنے والا انہیں بھی ضرور جیل بھیجے گا۔آصف زرداری نے جعلی اکائونٹس اور منی لانڈرنگ کیس کے حوالے سے بات کرتے ہوئے کہا کہ

اس وقت زیادہ پڑھی جانے والی خبریں

اوپر