قومی احتساب بیورو نے اہم سیاستدان اور سابق وفاقی وزیر کی جائیداد ضبطی کی کارروائی شروع کردی

پاکستان

کراچی(این این آئی) قومی احتساب بیورو(نیب) نے سابق وفاقی وزیر بابر غوری کی جائیداد ضبطی کی کارروائی شروع کردی ہے۔کراچی کی احتساب عدالت میں کراچی پورٹ ٹرسٹ(کے پی ٹی)میں غیر قانونی بھرتیوں اور اختیارات کے ناجائز استعمال سے متعلق ریفرنس کی سماعت ہوئی۔نیب نے بابر غوری کیخلاف اشتہاری قرار دینے سے متعلق رپورٹ پیش کرتے ہوئے بتایا کہ ملزم کے خاکے آویزاں کرنے کی کارروائی مکمل ہوگئی ہے

اور جائیداد کی ضبطی کے حوالے سے کارروائی جاری ہے، سندھ میں موجودجائیداد کی تفصیل کی رپورٹ موصول ہوچکی ہے، لیکن پنجاب، بلوچستان اور کے پی کے سے تاحال تفصیلات موصول نہیں ہوئیں، تفصیلات موصول ہونے کیلئے وقت دیا جائے۔عدالت نے نیب کی درخواست منظور کرتے ہوئے سماعت 28 اکتوبر تک ملتوی کردی۔ اس ریفرنس میں ایم پی اے جاویدحنیف اور دیگر ملزمان گرفتار ہیں جبکہ بابر غوری مفرور ہیں۔

اس وقت زیادہ پڑھی جانے والی خبریں

اس وقت زیادہ پڑھی جانے والی خبریں

اوپر