پی ٹی آئی حکومت نے نوجوانوں کیلئے خزانے کے منہ کھول دئیے ،پرائم منسٹر یوتھ بزنس لون سکیم کے تحت بھاری رقم جاری

پاکستان

اسلام آباد( آن لائن )پرائم منسٹر یوتھ بزنس لون سکیم(پی ایم وائی بی ایل ) کے تحت گزشتہ مالی سال کے اختتام تک26.76 ارب روپے کے قرضے فراہم کیے گئے ہیں، سکیم سی26 ہزار679 نوجوان مستفید ہوئے ۔ذرائع کے مطابق30 جون 2019 تک قرض فراہم کرنے والے بینکوں/اداروں کو پی ایم وائی بی ایل سکیم کے تحت قرض کے حصول کیلئے ایک لاکھ ایک ہزار938 درخواستیں موصول ہوئیں جن میں سے 88 فیصد (89 ہزار860 )درخواستیں مردوں کی جانب سے دی گئی تھیں جبکہ12فیصد ( 12ہزار78 )خواتین نے جمع کرائی تھیں۔پاکستان تحریک انصاف کی حکومت نے رواں مالی سال کے

آغاز سے پی ایم وائی بی ایل کی بجائے پرائم منسٹر کامیاب جوان ایس ایم ای لینڈنگ پروگرام کا آغاز کیا ہے تاکہ نوجوانوں کو باسہولت اور آسان شرائط پر سافٹ لونز فراہم کیے جاسکیں۔کامیاب جوان پروگرام کے تحت نوجوانوں کو ایک لاکھ روپے سے 5 لاکھ روپے اور زیادہ سے زیادہ50 لاکھ روپے تک کے قرضی6 تا 8 فیصد کی شرح سود پر فراہم کیے جائیں گے تاکہ ملک میں ایس ایم ایزکے شعبے کی ترقی میں مدد حاصل ہو، اس سے نہ صرف ملک میں کاروباری و تجارتی سرگرمیوں کو فروغ حاصل ہوگا بلکہ قومی برآمدات کے فروغ کے ساتھ ساتھ روزگار کے نئے مواقع پیدا کرنے میں بھی مدد ملے گی۔واضح رہے کہ کامیاب جوان پروگرام کے تحت قرضوںکا اجرا خالصتامیرٹ کی بنیاد پر کیا جائے گا۔

اس وقت زیادہ پڑھی جانے والی خبریں

    اس وقت زیادہ پڑھی جانے والی خبریں

    اوپر