تحریک انصاف تیاریوں میں مصروف ، ن لیگ نے ایک روز قبل ہی اورنج لائن ٹرین کا افتتاح کردیا

پاکستان

لاہور (سی پی پی)مسلم لیگ ن نے حکومتی سے ایک روز قبل ہی اورنج لائن ٹرین کا افتتاح کردیا۔ اورنج لائن ٹرین کا افتتاح رہنما مسلم لیگ ن رانا مشہود نے کیا۔ افتتاحی تقریب سے خطاب کرتے ہوئے سابق صوبائی وزیر رانا مشہود نے کہا کہ اورنج لائن منصوبے میں بے وجہ تاخیر کے باعث چین کے انجینئر بھی ناراض ہو چکے ہیں۔انہوں نے کہا کہ اورنج لائن منصوبے میں غیر معیاری اشیا استعمال نہیں کی گئیں، کام مکمل نہیں ہے۔رانا مشہود نے دعویٰ کیا ہے کہ اورنج لائن ٹرین کا کا کام ابھی تک مکمل نہیں ہوا، تاہم کام

مکمل کئے بغیر ٹرین کا افتتاح حکومتی پالیسی کو بے نقاب کررہا ہے۔ ان کا کہنا تھا کہ مسلم لیگ ن نے ہفتوں میں اورنج لائن ٹرین پر کام کیا۔ لیکن موجودہ حکومت نے عدالتوں میں جا کر وقت ضائع کیا۔واضح رہے پنجاب حکومت نے سپریم کورٹ کے احکامات پر عمل درآمد کی روشنی میں 10 دسمبر کو لاہور اورنج لائن میٹرو ٹرین پراجیکٹ کو آپریشنل کرنے کا اعلان کیا تھا، میڈیا رپو رٹ کے مطا بق ایک سرکاری افسر نے نام ظاہر نہ کرنے کی شرط پر انکشاف کیا کہ 10 دسمبر کو وزیر اعلی عثمان بزدار وزیروں اور صحافیوں پر مشتمل لگ بھگ 250 افراد کے قافلے کیساتھ ٹرین کے 27 کلو میٹر روٹ پر صرف نمائشی سفر کریں گے اور درحقیقت اس کا مقصد سپریم کورٹ کی اس منصوبے کو آپریشنل کرنے کے سلسلے میں مقرر کردہ جنوری 2020 کی ڈیڈ لائن سے قبل ٹرین کو چلتے ہوئے دکھانا ہے اور یہ تھوڑی بہت تبدیلی کے ساتھ مئی 2018 میں سابق وزیراعلیٰ شہباز شریف کی طرف سے الیکٹرک انجنوں کے بجائے ڈیزل انجن سے منسلک کوچوں سے منصوبے کے افتتاح کا ایکشن ری پلے ہوگا۔تاہم اس سے قبل ہی مسلم لیگ ن نے شہبازشریف کے دور حکومت میں شروع کئے گئے منصوبے کا افتتاح کر دیا ہے۔ اور حکومت کو تنقید کا نشانہ بناتے ہوئے کہا ہے کہ اورنج لائن ٹرین منصوبے میں تاخیر سے عوام کو مشکلا ت کاسامنا کرنا پڑا۔

اس وقت زیادہ پڑھی جانے والی خبریں

اس وقت زیادہ پڑھی جانے والی خبریں

اوپر