کراچی کے تین بڑے نالوں کی صفائی کام تیزی سے جاری ، ٹاسک کا کل آخری روز

پاکستان

اسلام آباد ( آن لائن)وزیراعظم کی ہدایت پر کراچی میں برساتی نالوں کی صفائی کا تیسرے روز بھی جاری رہا۔ہدف مکمل کرنے کیلئے کل آخری روز ہوگا۔ترجمان این ڈی ایم اے کی جانب سے جاری بیان کے مطابق ایف ڈبلیو او گجر نالہ، کورنگی نالہ اور مواچھ گوٹھ نالہ پر کام کر رہا ہے،تین بڑے نالوں پر کل 42 مقامات پر چوک پوائنٹس تھے ،اب تک 35 چوک پوائنٹس کو کلئیر کیا جا چکا ہے،گجر نالہ 80 فیصد، کورنگی 85 فیصد اور مواچھ گوٹھ نالہ 75 فیصد تک صاف کیا جا چکا ہے۔ گزشتہ روز تقریباً دس ہزار ٹن کچرا نالوں

سے نکالا گیا،اب تک تین بڑے نالوں سے 20 ہزار ٹن سے زائد کچرا نکالا جا چکا ہے،ایف ڈبلیو او کو 8 اگست تک تینوں نالوں کی مکمل صفائی کا ٹاسک دیا گیا ہے۔جمعرات کے روز اس ہدف کو مکمل کرنے کیلئے تیزی سے کام جاری ہے۔چیئرمین این ڈی ایم اے ایف ڈبلیو او اور دیگر متعلقہ اداروں سے مسلسل رابطہ میں ہیں،وزیراعظم کو روزانہ کی بنیاد پر کام کی پیش رفت سے آگاہ کیا جا رہا ہے۔

اس وقت زیادہ پڑھی جانے والی خبریں

اس وقت زیادہ پڑھی جانے والی خبریں

اوپر