اعلیٰ پولیس افسر کو انگلی کا اشارہ کرنا صوبائی وزیر تعلیم مراد راس کو مہنگا پڑ گیا، چیف جسٹس ثاقب نثار شدید برہم، بڑا حکم جاری کر دیا

پاکستان

لاہور (نیوز ڈیسک) صوبائی وزیر تعلیم مراد راس کو اعلیٰ پولیس افسر کو انگلی کا اشارہ کرنا مہنگا پڑ گیا، چیف جسٹس آف پاکستان شدید برہم، صوبائی وزیر مراد راس نے ایس پی لیگل کو انگلی کے اشارے سے بلایا جس پر چیف جسٹس ثاقب نثار برہم ہو گئے۔ چیف جسٹس آف پاکستان ثاقب نثار سپریم کورٹ لاہور رجسٹری میں کیس کی سماعت کے لیے گئے، چیف جسٹس ثاقب نثار ایس پی لیگل کو انگلی کے اشارے سے بلانے پر مراد راس پر برہم ہو گئے۔ چیف جسٹس ثاقب نثار نے صوبائی وزیر سے استفسار کرتے ہوئے پوچھا کہ

آپ کون ہیں اور یہاں کیا کر رہے ہیں تو صوبائی وزیر مراد راس نے جواب دیا کہ میں مراد راس ہوں، اس پر چیف جسٹس ثاقب نثار نے کہا کہ کون مراد راس، ادھر روسٹرم پر آ کر بات کریں، چیف جسٹس ثاقب نثار نے مراد راس سے پوچھا کہ کیا آپ تحریک انصاف کے جنرل سیکرٹری ہیں تو انہوں نے جواب دیا نہیں، میں صوبائی وزیر ہوں، جس پر چیف جسٹس ثاقب نثار نے کہا کہ آپ کا یہاں کوئی کام نہیں ہے، چیف جسٹس ثاقب نثار نے کہا کہ آپ کا لہجہ عدالت میں درست نہیں، آپ بھی اسلام آباد آئیں وہاں دیکھیں گے۔

اس وقت زیادہ پڑھی جانے والی خبریں

    اس وقت زیادہ پڑھی جانے والی خبریں

    اوپر