”لے پالک بیٹی کا جائیداد میں حق نہیں“ اہم عہدے پر فائز شخصیت کی اہلیہ نے 50 کروڑ روپے کی جائیداد رشتہ داروں میں بانٹ دی، حیرت انگیز واقعہ

سوشل میڈیا‎‎

اسلام آباد (مانیٹرنگ ڈیسک) ”لے پالک بیٹی کا جائیداد میں حق نہیں“ عامر رحمان کی اہلیہ نے پچاس کروڑ کی جائیداد رشتہ داروں میں بانٹ دی، اس بات کا انکشاف معروف صحافی ہارون الرشید نے کیا، انہوں نے کہا کہ گوجرانوالہ ڈویلپمنٹ اتھارٹی کے عامر رحمان چیئرمین تھے، جن بہترین شخصیات سے اپنی زندگی میں ملا ہوں ان میں سے وہ ایک ہیں، معروف صحافی نے انکشاف کرتے ہوئے کہا کہ عامر رحمان کی اہلیہ لے پالک تھیں، ان کے والد اور والدہ

جنہوں نے ان کو پالا جب ان کی وفات ہوئی تو پچاس کروڑ روپے کی انہیں جائیداد ملی، اس پر کسی رشتہ دار نے اعتراض بھی نہیں کیا، ہارون الرشید نے کہاکہ ایک روز عامر رحمان مسجد گئے تو ان کو معلوم ہوا لے پالک کا جائیداد پر حق نہیں ہوتا بلکہ اس جائیداد پر رشتہ داروں کا حق ہوتا ہے، انہوں نے یہ بات اپنی اہلیہ کو جا کر بتائی، ان کی اہلیہ بھی کمال کی خاتون تھیں، انہوں نے رشتہ داروں کی فہرست تیار کی اور انہیں وہ پچاس کروڑ دیدیے۔

اس وقت زیادہ پڑھی جانے والی خبریں

اس وقت زیادہ پڑھی جانے والی خبریں

اوپر