حکومت نواز شریف کو فوری بیرون ملک جانے کی اجازت دے، چوہدری شجاعت حسین نے مشورہ دیدیا

سوشل میڈیا‎‎

اسلام آباد (مانیٹرنگ ڈیسک) مسلم لیگ ق کے سربراہ چوہدری شجاعت حسین سے وزیر دفاع پرویز خٹک اور صادق سنجرانی نے ان کی رہائش گاہ پر ملاقات کی، اس ملاقات میں ق لیگ کے رہنما نے مشورہ دیا کہ حکومت میاں نواز شریف کو فوری طور پر بیرون ملک بھیجنے کی اجازت دیدے، وزیر دفاع پرویز خٹک کو مشورہ دیتے ہوئے انہوں نے کہاکہ میاں نواز شریف کو علاج کے لیے فوری طور پر بیرون ملک جانے کی اجازت دے دی جائے

تاکہ وہ باہر اپنا علاج کرا سکیں۔ واضح رہے کہ لاہور ہائی کورٹ نے بھی طبی بنیادوں پر میاں نواز شریف کو چوہدری شوگر ملز کیس میں ضمانت دے دی ہے، میاں نواز شریف کی صحت تسلی بخش نہیں بتائی جا رہی ہے، گزشتہ روز میاں نواز شریف کی رپورٹس برطانیہ بھجوائی گئی تھیں جس پر وہاں کے ڈاکٹرز نے میاں نواز شریف کی صحت کو تشویشناک قرار دیا تھا اور میاں نواز شریف کو بیرون ملک منتقل کرنے کا مشورہ دیا تھا۔

اس وقت زیادہ پڑھی جانے والی خبریں

    اس وقت زیادہ پڑھی جانے والی خبریں

    اوپر