اب کسی مسافر کو اس کے بغیر ٹکٹ جاری نہیں کیا جائیگا،پاکستان ریلوے نے بڑی پابندی عائد کردی،احکامات جاری

سوشل میڈیا‎‎

ًلاہور(این این آئی)پاکستان ریلوے کی چیف کمرشل مینیجر سیدہ مریم گیلانی نے کہا ہے کہ تمام ڈویژنوں کو ہدایات جاری کر دی ہیں کہ کسی مسافر کو نام اور شناختی کارڈ نمبر کے بغیر ٹکٹ جاری نہ کیا جائے۔ مسافروں کو مزید سہولت دینے کے حوالے سے بات کرتے ہوئے

اُنہوں نے کہا کہ ہم ریلوے میں سفر کرنے والے مسافروں میں یہ شعور بھی بیدار کر رہے ہیں کہ ایک مسافر دوسرے مسافر کا خیال رکھے۔ مثال کے طور پر اگر ایک مسافر نے فون کرنا ہے تو وہ دوسرے مسافر کے آرام کا خیال رکھتے ہوئے اپنی سیٹ سے اٹھ کر دوسری جگہ جا کر فون کرے۔ تمام ریل کار کے اندر ٹی وی سکرین لگائیں گے۔ وائی فائی اور کیٹرنگ جیسی سہولیات کو مزید بہتر بنائیں گے۔ مسافروں کو کھانا صاف ستھرا اوراعلیٰ کوالٹی کا دیا جائے گا۔ کھانے کی کوالٹی اور معیار پرکسی قسم کا سمجھوتہ نہیں کیا جائے گا۔ بغیر ٹکٹ سفر کرنے والوں کے خلاف ہماری مہم جاری ہے۔ اس کو ہم مزید تیز کر رہے ہیں تاکہ کوئی بغیر ٹکٹ سفر نہ کرے۔ اُنہوں نے مزید کہا کہ آن لائن ٹکٹ بُک کروانے والوں کی حوصلہ افزائی کے لئے بھی پروگرام شروع کر رہے ہیں۔ آئندہ ہفتہ صفائی کے حوالے سے منا رہے ہیں جس کے تحت ٹرینوں، ریلوے اسٹیشنز، اسٹالز، پر صفائی کے معیار کو چیک کیا جائے گا اور اس میں مزید بہتری لائی جائے گی۔

اس وقت زیادہ پڑھی جانے والی خبریں

اس وقت زیادہ پڑھی جانے والی خبریں

اوپر