عرب شہزادے کوتحفے کے نام پر ہزاروں جانوروں کی ایکسپورٹ، بھیجے گئے جانور تحفہ نہیں کاروبار، وزیراعظم نے بڑا حکم صادر کر دیا

سوشل میڈیا‎‎

کراچی (این این آئی)میٹ ایکسپورٹرز کی جانب سے وزیراعظم عمران خان کو ہزاروں جانوروں کی ایکسپورٹ سے متعلق شکایتی خط لکھا گیا ہے۔ذرائع کے مطابق عرب شہزادے کو تحفے کے نام پر 3500 جانوروں کی ایکسپورٹ شروع کی گئی ہے جس پر میٹ ایکسپورٹرز کا وزیر اعظم عمران خان کو شکایتی خط میں آگاہ کیا گیا ہے کہ عرب شہزادوں کے نام پر جعلی پرمٹس نکال کر ایکسپورٹ ہو رہی ہے۔رہنما میٹ ایکسپورٹرز نصیب سیفی کا کہنا ہے کہ

عرب شہزادوں کے نام پرجعلی پرمٹس نکال کر ایکسپورٹ کے باعث پاکستان میں جانوروں کی دستیابی میں کمی کا خدشہ ہے، اجازت نامے فرضی ہوتے ہیں، بھیجے گئے جانور تحفہ نہیں کاروبار ہیں۔ایکسپورٹرز طارق بٹ کا کہنا ہے کہ دستاویزات کے مطابق وزیر اعظم نے گزشتہ ماہ 3500 زندہ جانوروں کی ایکسپورٹ کی اجازت دی تھی۔ایکسپورٹرز کی شکایت کے بعد وزیر اعظم عمران خان نے شکایتی خط کا نوٹس لیتے ہوئے تحفے کے نام پر جانوروں کی کمرشل ایکسپورٹ روکنے کی ہدایت کی ہے۔

اس وقت زیادہ پڑھی جانے والی خبریں

اس وقت زیادہ پڑھی جانے والی خبریں

اوپر