کرونا وائرس کے جعلی ٹیسٹ، معروف لیبارٹری کو سیل کر دیا گیا

سوشل میڈیا‎‎

کوئٹہ(این این آئی) کوئٹہ میں کورونا وائرس کے جعلی ٹیسٹ کرنے کے شبے میں شہر کی معروف لیبارٹری کو سیل کردیا گیا، محکمہ صحت حکام کے مطابق جمعرات کو سیکرٹری صحت مدثر وحید ملک اور ڈائریکٹر جنرل ڈاکٹر فہیم خان کی ہدایت پر وزیر اعلی سپیشل کمیٹی برائے صحت کے چیئرمین ڈاکٹر نسیم کٹکیزئی کی سربراہی میں سینئر ڈرگ انسپکٹر سرور خان کاکڑ اور یعقوب وردگ نے کوئٹہ کی مشہور لیبارٹری فیاض لیب کو غیر قانونی اور غیر تصدیق شدہ

کورونا وائرس کے ٹیسٹ کرنے پر سیل کر دیا اورلیب کے مالک کے خلاف ایف آئی آر درج کروائی جا رہی ہے، حکام کے مطابق مذکورہ لیب کی جانب سے کورونا وائرس کے غیرتصدیق شدہ ٹیسٹ 6 ہزار روپے میں کئے جارہے تھے، حکام کے مطابق وزیراعلیٰ بلوچستان جام کمال خان نے کورونا وائرس کے ٹیسٹ کی مشینیں خصوصی طور منگوائی ہیں کورونا وائرس کے ٹیسٹ کی سہولت کوئٹہ میں صرف فاطمہ جناح ہسپتال ٹی بی سینٹوریم میں موجود ہے۔

اس وقت زیادہ پڑھی جانے والی خبریں

اس وقت زیادہ پڑھی جانے والی خبریں

اوپر