اپنوں کو کھو دینے والوں کا دکھ بہت بڑا ہے، میرا دل آج کے سانحے پر بہت غمگین ہے،کراچی فضائی حادثے پر نواز شریف کا خصوصی تعزیتی پیغام

سوشل میڈیا‎‎

اسلام آباد (این این آئی)سابق وزیر اعظم نواز شریف کی صاحبزادی اور پاکستان مسلم لیگ نواز کی نائب صدر مریم نواز نے اپنے والد کی جانب سے کراچی فضائی حادثے پر تعزیتی پیغام جاری کیا ہے جس میں نوازشریف نے کہاکہ میرا دل آج کے سانحے پر بہت غمگین ہے۔ اپنے پیغام میں نواز شریف نے کہاکہ میرا دل آج کے سانحے پر بہت غمگین ہے۔ انہوں نے کہاکہ جمعتہ الوداع کے دن اس حادثے میں شہید ہونے والوں کے درجات کی بلندی کے لئے دعا گو ہوں۔

انہوں نے کہاکہ اپنوں کو کھو دینے والوں کا دکھ بہت بڑا ہے، اللہ تعالی ان کو اس مشکل گھڑی میں صبر عطا کرے, میں ان کے دکھ میں برابر کا شریک ہوں۔ سابق وزیراعظم نے کہاکہ جن کو اللہ تعالی نے اپنی رحمت سے بچا لیا ہے ان کو اللہ تعالی جلد صحت یاب فرمائے۔اس موقع پر پی آئی اے کے عملے کے افراد جو اس جہاز میں موجود تھے ان کو بھی سلام پیش کرتا ہوں جو آخری دم تک اپنا فرض ادا کرتے رہے۔اللہ تعالی آپ سب کا حامی و ناصر ہو۔ آمین

اس وقت زیادہ پڑھی جانے والی خبریں

اس وقت زیادہ پڑھی جانے والی خبریں

اوپر