’’پی ٹی وی کے پروگرام میں پاکستان کے نقشے سے کشمیر کا حصہ غائب‘‘ بھارتی صحافی خوشی سے نہال ، کشمیر کا حصہ نہ دکھانے پر پی ٹی وی کا شکریہ ادا کرتے ہوئے کیا کہا ،وفاقی وزیر فوادچوہدری کی ایم ڈی پی ٹی وی ارشد خان پر برس پڑے

سوشل میڈیا‎‎

اسلام آباد (مانیٹرنگ ڈیسک)پاکستان کے نقشے سے کشمیر کا حصہ غائب کرنے پر ایم ڈی پی ٹی وی ارشدخان شدید تنقید کی زد میں آگئے ۔ تفصیلات کے مطابق سماجی رابطے کی ویب سائٹ پر عدیل راجہ نے ٹویٹ کی جس میں انہوں نے لکھاکہ پی ٹی وی نے نقشے میں کشمیر کا حصہ غائب کر دیا ،

جس کے بعد وفاقی وزیر فواد چودھری میدان میں آگئے ، عمل کو شرمناک قرار دیا ۔ وفاقی وزیر سائنس و ٹیکنالوجی فواد چودھری نے ٹویٹ میں کہا کہ یہ بہت ہی شرمناک بات ہے کہ ایم ڈی پی ٹی وی ارشد خان ایک دہائی سے پاکستانی ٹیلی ویژن کے سربراہ کی حیثیت سے کام کر رہے ہیں لیکن یہ بھول چکے ہیں کہ وہ پی ٹی وی کے ڈی فیکٹو چئیرمین ہیں ناں کہ دوردرشن کے۔فواد چودھری نے شبلی فراز سے نوٹس لینے کی امید ظاہر کی ہے کہ وہ ایم ڈی پی ٹی وی کو بتائیں پاکستان کیلئے کشمیر کتنی اہمیت کا حامل ہے ۔ فواد چودھری کے ٹویٹ کے جواب میں بھارتی معروف صحافی برجیش مشرا نے لکھا کہ یہ بھارت کیلئے ڈپلومیٹک پوائنٹ آف ویو سے بہت بڑی فتح ہے ، پاکستانی سرکاری ٹی وی نے کشمیر کو اپنے نقشے میں شامل ہی نہیں کیا ۔

اس وقت زیادہ پڑھی جانے والی خبریں

    اس وقت زیادہ پڑھی جانے والی خبریں

    اوپر