گیسٹ ہاؤس ڈرامہ میں مراد کا کردار ادا کرنے والے اداکار طارق ملک انتقال کر گئے
جمعرات
11
جون
2020
| 20:23
اسلام آباد (مانیٹرنگ ڈیسک)گیسٹ ہاؤس ڈرامہ کے معروف کردار ”مراد“ اداکار طارق ملک انتقال کر گئے ہیں۔ ان کی موت حرکت قلب بند ہونے سے ہوئی۔ وہ اپنے مداحوں کو افسردہ چھوڑ کر اس جہان فانی سے چلے گئے ہیں۔ پی ٹی وی کے ڈرامہ گیسٹ ہاؤس میں انہوں نے مراد نامی ویٹر کا کردار ادا کیا
اور ان کے ڈائیلاگ ٹپ ٹپ نے انہیں شہرت کی بلندیوں پر پہنچا دیا۔ انہوں نے بہت سے ڈراموں میں کام کیا اور مداحوں نے ان کے ہر کردار کو سراہا۔ انہوں نے جو کردار بھی کیا اس میں اصل کا شائبہ ہوا، وہ ایک بے مثال اداکار تھے۔ گیسٹ ہاؤس ڈرامہ میں ان کردار انتہائی یادگار تھا۔
