مالکان کی جانب سے سکول کھولنے کی استدعا اسلام آباد ہائیکورٹ نے درخواست پر فیصلہ سنا دیا

سوشل میڈیا‎‎

اسلام آباد (آن لائن) اسلام آباد ہائیکورٹ نے سکول مالکان کی جانب سے عدالتی حکم سے فوری سکول کھولنے کی استدعا مسترد کر دی ، کیس کی سماعت اسلام آباد ہائی کورٹ کے چیف جسٹس اطہرمن اللہ نے کی ۔عدالت نے آباد ہائی کورٹ کی پرائیویٹ سکولز مالکان کو متعلقہ فورم سے رجوع کی ہدایت کر دی۔

دوران سماعت چیف جسٹس نے ریمارکس دیئے کہ پالیسی بنانا حکومت کا کام ہے عدالت مداخلت نہیں کرے گی، منتخب حکومت عوام کو جوابدہ ہے حالات دیکھ کر وہی فیصلہ کریں گے، صرف سکولز مالکان نہیں بچوں کی تعلیم کا بھی حرج ہو رہا یہ کہنا کہ یہ معاملہ حکومت کی نظر میں نہیں ہو گا درست نہیں ،حکومت ضرور اس معاملے پر تمام مسائل دیکھ کر غور کر رہی ہو گی۔ درخواست گزار کے وکیل نے عدالت کو بتایا کہ کورونا کی وجہ سے تمام تعلیمی ادارے چند ماہ سے بند ہیں ،اسکولز مالکان کو سخت مسائل کا سامنا ہے لیکن حکومت کو کوئی پرواہ نہیں ہم نے پیرا اتھارٹی کو درخواست دی اس پر ابھی کوئی فیصلہ نہیں ہوا۔ اس موقع پر عدالت نے درخواست گزار کے وکیل سے استفسار کیا کہ آپ کی نمائندہ باڈی کون ہے؟انفرادی طور پر نہیں بلکہ ایسوسی ایشن کے ذریعے متعلقہ اتھارٹی سے رجوع کریں عدالت نے درخواست گزار کو متعلقہ فورم سے رجوع کی ہدایت کرتے ہوئے درخواست نمٹا دی۔

اس وقت زیادہ پڑھی جانے والی خبریں

اس وقت زیادہ پڑھی جانے والی خبریں

اوپر