ایک کروڑ 32 لاکھ 62 ہزارسے زائد افراد میں 160 ارب سے زائد رقم تقسیم  احساس ایمرجنسی کیش پروگرام کے تحت صوبائی و علاقائی لحاظ سے اب تک تقسیم شدہ رقم کی تفصیل جاری

سوشل میڈیا‎‎

اسلام آباد (این این آئی)حکومت نے احساس ایمرجنسی کیش پروگرام کے تحت ملک بھر کے ایک کروڑ 32 لاکھ 62 ہزارسے زائد افراد میں 160 ارب 43 کروڑ روپے سے زائد رقم تقسیم کردی ہے۔وزارت سماجی تحفظ وتخفیف غربت نے احساس ایمرجنسی کیش پروگرام کے تحت صوبائی و علاقائی لحاظ سے اب تک تقسیم شدہ رقم کی تفصیل جاری کردی ہیں، جس کے تحت احساس کیش پروگرام کے تحت اب تک ملک بھر میں ایک کروڑ 32 لاکھ 62 ہزارسے زائد افراد میں 160 ارب 43 کروڑ روپے سے

زائد رقم تقسیم کی جاچکی ہے۔اب تک سندھ میں 40 لاکھ 32 ہزار سے زائد افراد میں 48 ارب 61 کروڑ روپے، پنجاب میں 59 لاکھ 62 ہزار سے زائد افراد میں 72 ارب 14 کروڑ روپے، خیبر پختونخوا میں 22 لاکھ 33 ہزار سے زائد افراد میں 27 ارب 11 کروڑ روپے، بلوچستان میں 6 لاکھ 54 ہزار سے زائد افراد میں 7 ارب 94 کروڑ روپے، گلگت بلتستان میں 95 ہزار سے زائد افراد میں1 ارب 16 کروڑ روپے، آزاد کشمیر میں 2 لاکھ 16 ہزار سے زائد افراد میں 2 ارب 63 کروڑ روپے جبکہ اسلام آباد میں 67 ہزار سے زائد افراد میں 81 کروڑ روپے سے زائد رقم تقسیم کی جاچکی ہیں۔

اس وقت زیادہ پڑھی جانے والی خبریں

اس وقت زیادہ پڑھی جانے والی خبریں

اوپر