سعودی عرب جانے کیلئے پاکستانیوں کو کہاں سے کرونا ٹیسٹ کروانا ہوگا؟ سعودی حکام نے لیبارٹریوں کی فہرست جاری کردی

سوشل میڈیا‎‎

اسلام آباد(مانیٹرنگ ڈیسک)سعودی سول ایوی ایشن نے پاکستان میں موجود ان لیبارٹریوں کی فہرست جاری کر دی ہے جن کے کرونا ٹیسٹ قبول کئے جائیں گے۔میڈیا رپورٹس کے مطابق کراچی سے چار لیبارٹریوں کے ٹیسٹ قبول کیے جائیں گے۔

جن میں آغا خان، سول ہسپتال، ڈاو ہسپتال اور انڈس ہسپتال کی لیبارٹریاں شامل ہیں۔،اسلام آباد کے قومی ادارہ صحت کی وائرولوجی لیب کی رپورٹ بھی قبول کی جائے گی۔لاہور میں پرائمری اینڈ سکینڈری ہیلتھ ڈیپارٹمنٹ، شوکت خانم اور چغتائی لیب کے ٹیسٹس کی رپورٹ پر بھی سعودی عرب جانے کی اجازت ہو گی۔ ملتان میں نشتر ہسپتال کی لیب کے کورونا ٹیسٹ حتمی تصور ہوں گے اسی طرح پشاور سے خیبر میڈیکل یونیورسٹی کی پبلک ہیلتھ لیب کو منظور کیا گیا ہے۔کوئٹہ کی سرکاری موبائل لیبارٹری اور ایف جے سی اینڈ جی ہسپتال کی لیبارٹری کے کوروناٹیسٹ کی رپورٹ پر بھی سعودی عرب کا سفر کیا جا سکتا ہے۔سکھر کے گمبٹ انسٹی ٹیوٹ آف میڈیکل سائنسز، مظفر آباد کے عباس انسٹی ٹیوٹ آف میڈیکل سائنسز اور گلگت بلتستان کے ڈی ایچ کیو ہسپتال کی لیبارٹریوں کے نتائج سعودی اتھارٹی قبول کرے گی۔ جبکہ سعودی شہریوں کو سفر کے لیے کورونا ٹیسٹ کروانے سے چھوٹ دی گئی ۔

اس وقت زیادہ پڑھی جانے والی خبریں

اس وقت زیادہ پڑھی جانے والی خبریں

اوپر