اسلام آباد ہائیکورٹ کا بڑا فیصلہ چیئرمین پی ٹی وی ارشد خان کی تقرری کالعدم قرار آئندہ کسی بھی عہدے پر تعینات نہ کرنے کا حکم

سوشل میڈیا‎‎

اسلام آباد (آن لائن)اسلام آباد ہائی کورٹ نے چیئرمین پی ٹی وی ارشد خان کی تقرری کالعدم قرار دیدی۔ عدالت نے پی ٹی وی بورڈ آف ڈائریکٹرز میں شامل انڈی پینڈنٹ ڈائریکٹرز کی تعیناتیاں بھی غیر قانونی قرار دے دی ۔

جمعرات کے روز اسلام آباد ہائی کورٹ کے جج جسٹس محسن اختر کیانی نے پی ٹی وی میں غیر قانونی تعیناتیوں کے خلاف محفوظ فیصلہ سنا دیا۔ عدالت نے چیف نیوز اینڈ کرنٹ افیئرز قطرینہ حسین کی تقرری درست قرار دے دی۔ عدالت نے اپنے فیصلے میں حکم دیا کہ وفاقی حکومت قانون کے مطابق تعیناتیاں کرے ۔بورڈ آف ڈائریکٹرز کے فیصلوں کو قانونی تحفظ حاصل ہو گا۔ عدالت نے اپنے فیصلے میں پی ٹی وی کے حکومت کی جانب سے تعینات بورڈ ڈائریکٹرز کی تعیناتی بھی غیر قانونی قرار دے دی۔ اسلام آباد ہائی کورٹ نے ایم ڈی پی ٹی وی عامر منظور کی تعیناتی قانونی قرار دیتے ہوئے حکم دیا کہ پی ٹی وی بورڈ آف ڈائریکٹرز کے آرڈر ان فیلڈ رہیں گے۔ چیف نیوز اینڈ کرنٹ آفئیرز قطرینہ حسین اور خاور اظہر کی تقرری بھی درست قرار دیتے ہوئے فیصلہ دیا کہ اسلام آباد ہائی کورٹ نے ارشد خان کو آئندہ کسی عہدے پر تعینات نہ کرنے کا حکم دے دیا۔ عدالت نے اپنے فیصلے میں لکھا کہ بورڈ آف ڈائریکٹرز کے فیصلوں کو قانونی تحفظ حاصل ہو گا عدالت نے حکم دیا کہ حکومت پاکستان پی ٹی وی میں قانون کے مطابق تقرریاں کرے۔

اس وقت زیادہ پڑھی جانے والی خبریں

اس وقت زیادہ پڑھی جانے والی خبریں

اوپر