کھلاڑی امن کے سفیر ہوتے ہیں ان کی کھیل کے میدان میں حوصلہ افزائی ضرور کرنی چاہئے ٗمیاں اسلم

کھیل

اسلام آباد (این این آئی)سابق رکن قومی اسمبلی اور پاکستان ویٹ لیفٹنگ فیڈریشن کے صدر میاں محمد اسلم نے کہا ہے کہ کھلاڑی امن کے سفیر ہوتے ہیں ان کی کھیل کے میدان میں حوصلہ افزائی ضرور کرنی چاہئے۔ان خیالات کا اظہار انہوں نے گذشتہ روز اسلام آباد فٹ سال ایسوسی ایشن کے زیراہمتام اسلام آباد فٹ سال چمپئن شپ کی اختتامی تقریب سے خطاب کرتے ہوئے کئی ٗاس موقع پر

پاکستان فٹ سال فیڈریشن کے سیکرٹری جنرل عدنان ملک، اسلام آبادسٹوڈنٹس اولمپک ایسوسی ایشن کے صدر رانا تنویراحمد، اسلام آباد فٹ سال ایسوسی ایشن عدنان سمیع، اسلام آباد سکولز سپورٹس ایسوسی ایشن کے صدر آصف ملک، پاکستان سپورٹس فیڈریشن کے جنرل سیکرٹری کے سیکرٹری جنرل معین الدین، اسلام آباد فٹ بال کلب کے سابق کپتان اور ہیڈسٹارٹ سکول کے کوچ نیک محمد کے علاوہ شائقین کی کثیر تعداد بھی موجود تھی، میاں اسلم نے کہا کہ تعلیمی اداروں میں کھیلوں کا انعقاد خوش آئندہ ہے جس سے ملک میں کھیلوں کا معیار بہتر ہو سکتا ہے اورصحت مند معاشرے کے لئے بھی کھیلوں کا انعقاد ضروری ہے، انہوں نے کہا کہ کھیلوں کے انعقاد سے ہماری نوجوان نسل کئی مختلف بیماریوں سے بچ سکتی ہے، انہوں نے کہا کہ کھیلوں کو سہولیات فراہم کر نا حکومت اور فیڈریشنوں کی ذمہ داری ہے،چمپئن شپ میںخواتین کے فائنل میچ میں ہیڈسٹارٹ سکول نے آئی سی اے ایس کو 3-2 گول سے ہرا کر چمپئن ہونے کا اعزاز حاصل کیا، ہیڈسٹارٹ سکول کی طرف سے حفصہ ناصر نے دو اور سفا عظیم نے ایک گول جبکہ آئی سی اے ایس کی جانب سے ایمان اور وائریہ نے ایک، ایک گول کیا،چمپئن شپ میں خواتین کے ایونٹ میں 11 ٹیموں نے حصہ لیا۔

اس وقت زیادہ پڑھی جانے والی خبریں

اوپر